Bilboko Kalealdia

BILBOKO KALEALDIA, Kaleko Antzerki eta Arteen Jaialdiaren ekitaldi berri bat ospatzen da aurten ere. Bilboko Kultura eta Hezkuntza Sailak antolatua, aurten ere hainbat ikuskizun egongo dira ikusgai Bilboko kaleetan zehar: uztailak 1 eta 2an, Izarren Kale Nagusira joatea gonbidatzen gaituzte; bertan, zinemaren unerik onenak bizi izango dituzu eta aldi berean baita Hollywoodeko izarrekin argazkiak ateratzeko aukera ere. Uztailak 8,9 eta 10ean aldiz, antzerkia izango da ikusgai Zazpi Kaleetan zehar; dantza, zirkua, antzerkia eta ustekabekoak.
Kalea artea da, kalea zinema da, kalea antzerkia da, arratsaldeko 6etatik aurrera, Zatoz Kalealdira!!