San Fausto Jaiak

Social Antzokiak, San Fausto Jaiak direla eta, egitarau berezi bat antolatu du. Antzerkia Nancho Novorekin, Zarzuela “La corte del Faraón” eta bi zinema maratoik jaiegun hauetako udal antzokiaren eskaintza osatzen dute.
ANTZERKIA
Igandean, urriak 12 arratsaldeko 20.30tan, "Sobre flores y cerdos. Más Nancho que largo", ordu eta erdi baina iraupen gehiago duen antzezlana, Nancho Novok idatzia, zuzendua eta ekoiztua. Bere umore kutsu bereziarekin, berak “guarromantico”-tzat definitua, aktore eta abeslari galiziarrak atal musikalak ditu hari eroaletzat, amodioan eta bikotean azken honen ernetzearen azterketa eta sakonketan oinarrituriko ikuskizuna sortuaz. Dibertsioa bermatua dago 90 minutu irauten duen proposamen original eta desberdin honekin. Sarreren prezioa 12€-a da.
ZINEMA MARATOIAK
Asteazkenean, urriak 15, arratsaldeko 17.30etatik aurrera, azken urte hauetan ohikoa den bezala, txikienek zinemarekin hitzordua dute Social Antzokian. Lehendabizi euskeraz izango den animazio filma emango da, "Ahatetxo itsusia eta ni", Ahatetxo Itsusia ipuinaren bertsio pertsonal bat. Ondoren, “La isla de Nim” Jodie Foster protagonistatzat duen abentura filma ikusgai egongo da. Sarreren prezioa 3,50€koa da.
Ostegunean, urriak 16 arratsaldeko 20.00tatik aurrera, Social Antzokian gazteengan pentsaturiko zinema izango da ikusgai. "Zohan. Licencia para peinar" eta "Paso de ti" komediak, Estatu Batuetatik datozten bi proposamen freskagarri. Sarreren prezioa 3,50€.
ZARZUELA
Larunbatean, urriak 18, Uranzu Produkzioak konpainiak “La Corte del Faraón” zarzuela aurkeztuko du, musikal herrikoi, lotsagabe eta dibertigarria. Emanaldia arratsaldeko 20.00tan hasiko da eta sarrerak 20 eta 15€ artekoak dira.